Кога доброто сонце ќе се смени со суровата страна на планината

Викендов тројца планинари (Столе, Петар и Диме) од скопскиот планинарски клуб Македон, минаа несекојдневна тура и ја искусија школската лекција дека со планината нема играње.

Планираната амбициозна еднодневна тура, искачување на Солунска Глава преку с. Патишка Река, не помина според планираниот распоред.

Сонцето и доброто време кое ги следело кон врвот, во пладневните часови брзо почнало да се заменува со снег, слаба прегледност и силен ветар,  па тројцата искусни и добро опремени планинари морале да преноќат под отоврено небо на ниски температури и ветар за да го почекаат новиот ден и подобро време. Тројцата планинари безбедно се вратија назад следниот ден.