skimacedonia
Општина Центар ќе субвенционира купувањето на 1.111 нови велосипеди за жителите на општината. Градоначалникот Жерновски изјави дека успешниот проект од минатата година ќе продолжи и годинава.
Жителите треба да донесат копија од лична карта со која потврдуваат дека се жители на општина Центар, фискална сметка и сметкопотврда за купен велосипед и трансакциска сметка
Општината, исто како и минатата година, ќе субвенционира до 3.000 денари за секој купен велосипед.
Со проектот „Цел Центар на точак“ во текот на минатата година општината субвенционираше купување на 860 велосипеди. Општина Центар е единствената локална самоуправа во земјава што го стимулира користењето на велосипедот како превозно средство во градскиот сообраќај.
