Галичица

Ски центар „Суво поле“ - Галичица

Ски центар „Суво поле“ - Галичица

Скијачкиот центар Отешево (Суво Поле) се наоѓа на планината Галичица. Поделен е на два дела – едниот дел е на југоисточната падина кон врвот Лако Сигној (1.984 м), а другиот дел од овој ски-центар е на спротивната страна, на југозападната падина кон врвот Томорус (1.675 м). Центарот е сместен во реонот на Суво Поле, на базна висина од 1.480 м, а највисоката завршни точка е 2.150 м. Планираниот проект за реновирање вклучува инсталација на 8 нови ски-лифта и жичница, како и нови ски-патеки со должина од 12 км. Исто така, потенцијални нови патеки, посебно за фрирајд-скијање и сноубординг има на потегот од северната страна на Стара Галичица, под врвовите Магаро (2.252 м) и Кота Ф10 (2.265 м). Тоа се области што се карактеризираат со снег што се задржува подолго време во текот на зимскиот период, кои делумно и сега се користат од авантуристи што бараат повеќе адреналин. Овие предели се тешко достапни, особено во зимски услови, и до нив може да се пристапи само пеш.

Настани

Настани

Нема закажани официјални настани

Природни убавини

Природни убавини

Националниот парк Галичица претставува жариште на биолошката разновидност на Балканот и во Европа. Исклучителното богатство на живеалишта и видови го издвојува паркот од другите подрачја со слична големина. На нешто помалку од 25.000 ха постои богатата биолошка разновидност и паркот има големо национално, европско и глобално значење. Меѓународното значење на биолошката разновидност во паркот е потврдено со голем број номинации, како на пример: емералд подрачје, значајно растително подрачје, примарно подрачје за пеперутки, светско наследство на УНЕСКО, а потенцијално и натура 2000 подрачје.prespa-galicicaОд другите природни вредности на паркот, значајни се Стара Галичица и островот Голем Град, кои по своите севкупни геоморфолошки карактеристики се ретки или единствени форми во Југоисточна Европа, како и тревните тераси на Стара Галичица, кои според одредени свои карактеристики се единствени или ис¬-клучително ретки во евромедитеранскиот регион, но и глобал¬но. Националниот парк Галичица е и туристичка зона и на посетителите им нуди голем број рекреативни и туристички содржини. Оние што сакаат да се рекреираат и да уживаат во природа можат да ги користат обележаните пешачки, велосипедски и планинарски патеки и пространите високопланински пасишта што настанале како резултат на човековото влијание. Покрај извонредните видици, по должината на патеката имаат можност да се запознаат со двата циркови – геоморфолошки феномени. На овој дел од планината ќе прошетате и низ природните високопланински пасишта, кои се исклучително богати со растителни и животински видови, од кои некои нема да ги најдете на ниедно друго место. При погодни временски услови, од Магаро имате поглед на целото Охридско и Преспанско Езеро како на дланка. Некои од најубавите делови од паркот се потешко достапни, како на пример островот Голем Град во големото Преспанско Езеро – единствениот остров во Република Македонија. За да стигнете до него мора да користите чамец, а превоз може да најдете во селата Стење и Коњско. Националниот парк Галичица исто така е популарна дестинација за параглајдеристите. Полетиштето најчесто е кај месноста Баба, на регионалниот пат Охрид – Трпејца – Царина – Ресен, а безбедно се слетува плажата кај автокампот Љубаништа.

Техничка опременост

Техничка опременост

Центарот располагаше со три ски-лифтови и една двосед жичница. Комплексот во моментов не функционира.

Сместување

Сместување

IKAR Hut Ohrid Lagadin ви нуди:
Сите видови авантури на отворено околу езерото и околните планини: пешачење, велосипедизам, качување по карпи, параглајдинг, кајак, пливање, нуркање и скијање во зима.
Уметност работилници и часови.
Културни тури / Настани / Традиционалната архитектура, храна и пијалоци.
Спектакуларен локација со релаксирачки плажи и одлична храна во близина.
Автобуси во градот повеќе пати на ден.

За нас:
IKAR Hut произлегува од топла и пријатна семејна куќа на научници, лекари, инженери, уметници и авантуристи. Тоа беше инспирација и родно место на многу академски истражувања. ИКАР стои не само за човекот со незаситна желба за постигнување на височините,  се состои од иницијалите од три семејства кои живеат во оваа куќа – Илиевски, Kalevski и Arsovi.
Денес тоа е повеќе од уметничко место со ограничен капацитет од 12 легла, се наоѓа во еден од најубавите населби околу Охридското Езеро со прекрасен поглед на езерото и планината. ИКАР е управуван од страна на претставник 3-та генерација, патник, уметник, страстен планинар и алпинист. Куќата е полна со искуства од целиот свет.
ИКАР е еко-пријателски куќа, направени од сите природни материјали, со антички мебел од дрво и класично апарати. Сите новини по реновирањето на куќата се 100% еколошки рециклирани материјали. Ние не се ослободуваме од сите стари работи – ние ги претвораме во прекрасни уметнички дела.

magaro freeride galicica - Copy magaro freeride galicica (3) National Park Galicica Tour de Galicica National Park Galicica Tour de Galicica (6)

Galicica National Park
Galicica National Park

Galicica Magaro (3) Galicica freeride (5) Galicica National park (5) Galicica National park (2)

Еден коментар

  1. Ne mi e jasno zosto ne funkcijonira bas bi biloo mn ubavi i ispatlivoo…zas nie od ohrid ,struga da odome mavrovo il nekoj drug ski centar a bi mozelo da odime otesevo em blisku em ispplatlivo i ima mn ubav pogled

Напишете коментар

Вашата адреса за е-пошта нема да биде објавена. Задолжителните полиња се означени со *

Оди на лентата со алатки