skimacedonia
Идеата за оваа тура ја добив кога случајно проверив временска прогноза за Велигденскиот викенд за Шар планинскиот масив. Иако се спремав да одам малку подлабоко во западна Македонија, не можев да одолеам на солидните услови кои ги најавуваше временската прогноза. Првичниот план ми беше да скијам 3 врва над 2700 м.н.в. во еден ден, по редослед од Антени -Карабунар -Бакардан 2700m -Титов Врв 2.747m-траверза-Мал Турчин 2.702 -назад на Титов Врв со цел да ја скијам југо-источната страна.
ТИТОВ ВРВ -НЕКАДЕ ОКОЛУ 11Ч
Состојбата на снегот некаде до пладне беше ок, со оглед дека е месец Април, сметам дека неможеше да биде подобра.
МАЛ ТУРЧИН -ОДЛИЧНИ КУЛОАРИ ЗА СКИЈАЊЕ
На седлото помеѓу Бакардан и Титов врв, речиси бев сигурен дека нема да има услови за скијање на Мал Турчин. Температурата е околу 5 степени, снегот веќе станува значајно тежок и шекерен. Лавинската опасност е преголема. Предходниот ден, откинав мала лавина.
НА ВРВОТ ТИТОВ 2.747мнв
На врвот Титов, не беше студено, но дуваше засилен северо западен ветар.
МАЛ ТУРЧИН -2.702 мнв
Дефинитивно се повлеков од идеата да го скијам Мал Турчин, настрана ризикот од лавина, снегот веќе е во доста лоша состојба.
ПРЕД СПУШТАЊЕТО НА ТИТОВ ВРВ
Скијањето на југо-источната страна на титов врв беше најдобрата опција. Северната беше доста трансформирана корка. Ја избрав југо-источната страна поради
мојата проценка за најдобри услови. Снегот беше ужасен, бавен, тежок.
ИСКАЧУВАЊЕТО НАЗАД КОН ВРВОТ БАКАРДАН 2.700мнв
На врвот Бакардан, температурата опадна и ветрот почнуваше да го стврднува снегот.
БАКАРДАН -ТИТОВ ВРВ ВО ПОЗАДИНА
Мојата линија на скијање од Титов врв.
МОЈОТ ПОТПИС НА ВРВОТ ТИТОВ
Поглед према Вакуф. Иако имав јасна идеа што ќе скијам попат назад, очекував декаусловите ќе се променат и тоа што го сакав, воопшто нема да биде тоа што би сакал. Кулоарите беа тотално стврднати и заледени. При спуштањето морав многу да внимавам, а сепак да направам брзи линии.
КУЛОАРИТЕ НА БАКАРДАН
Иако се подготвував да понесам опрема за абзел за влез во некои од кулоарите кои имав намера да ги скијам, решив да одам полесен, сметајќи дека времето е топло и нема да има големи стреи, кои ќе ги попречат моите замисли.
TOA E TOA – ЕДНО ОД ПОВЕЌЕТО!
КОН КРАЈОТ НА ЕДЕН ОД КУЛОАРИТЕ НА БАКАРДАН
Иако значителната разлика во температурите ми донесе компликации и благи модификации на мојата тура, една од позитивните работи во смрзнувањето на снегот беше тоа што ми овозможи да добијам на брзина и да поминам на скии целата Вакувска долина. Некаде на 3-4 km од Попова Шапка, повторно ги ставив кожите и продолжив туринг.
СКИНТРАКИНГ ПО ПАТОТ НАЗАД
Одлична тура на која ќе се вратам со првиот снег на следната сезона со цел да го скијам и Мал Турчин. Целта од три врва над 2700 m во еден ден, сеуште не ми е исполнета, но сум исполнет и неописливо пресреќен како мало дете, и уште погладен за снег. И покрај уморот како што се наближував кон цивилизација, навистна не сакав да заврши овој ден…Прекрасно!
Реализирано Април 2015, Димитар Попов
