NorthCape4000 – 4200 километри со точак и Македонија со свој преставник

North Cape 4000 претставува ултра велосипедскa авантура. Настан кој се одржува втора година по ред, во летниот период (јули-август) со старт од градот Арко и езерото Гарда во Италија, а крајот е дури 4200 километри на север во Норвешка во рамките на арктичкиот појас. Турата со старт од езерото Гарда во Италија минува преку десетина земји на север од Австрија, Германија, Чешка, Полска, Литванија, Летонија, Естонија, Финска и Норвешка.

Организаторите на овој ултра North Cape 4000 се со стремеж да создадат настан кои ќе ги натера луѓето да го променат нивниот аспект во врска со можности за достигнувања и што се може да се реализира доколку имате храброст и се посветите на целта.

Учесниците имаат 4 контролни точки на кои мора да направат “check in”, а на остатокот од турата тие се оставени сами на себе да ја извозат авантурата до северот на Европа. Во рамките на оваа тура сите учесници мора да се потпрата само на својата опрема, а дополнителна асистенција е забранета. Турата Nort Cape 4000 нема временска рамка, оставено е на учесниците да пристигнат кој кога може, но и покрај тоа возењето се одвива континуирано со кратки паузи за одмор.

Меѓу учесниците, 24 на број кои досега ја завршија годинешната тура беше и Игор Талевски (outdoor.mk) кој воедно беше и единствен преставник меѓу релативно малкутемина учесници на ова ултра велосипедско возење. Талевски 4200 км успеа да ги извози за 12 дена 17 часа и 30 минути и со тоа заврши на 10то место. Првиот, Ian Walker од Обединетото Кралство, целта ја заврши за 11 дена, 10 часа и 43 минути.

Редослед на пристигнати, почнувајќи од 11 август 
Целосно извозена тура: 24 велосипедисти