Македонските ски центри имаат еден пресек, револт и незадоволство кај скијачите

Снегот не е доволен да го амортизира револтот и незадоволството на голем број скијачи и туристи низ македонските ски центри.

Неисчистени патишта и паркинзи заради недостаток на нафта во камионот за чистење снег, не осветлени улици и прекини во електричната мрежа, расипани жичари и небезбедни ски лифтови, затекнат персонал од временските прилики и неприлики, ненавремено и задоцнето пуштање на ски лифтовите, не обезбедени ски патеки, замастени и прљави седишта, нељубезен персонал, топови за снег кои стојат за украс, лошо стопанисувани ски центри под концесија, нелогични неработења на лифтовите со образложенија неприфатливи за посетителите се само дел од поплаките и причините кои во континуитет и во голема мера ги револтираат скијачите и сите посетители на ски центрите.

Револтот доаѓа од сите центри но најмногу онаму каде државата управува со истите. Изминатиот период има револт на социјалните мрежи од скијачи и туристи кои ги споделуваат своите лоши искуства од Попова Шапка, Копанки, Крушево, Пониква, каде се жалат од лошата состојба и услови за скијање, неработење на жичарите и ски лифтовите.

Викендов бурни реакции и разочарувања и од посетители и скијачи на Копанки кои дошле од околните градови и затекнале неработење на центарот, со образложенија од одговорните дека врне дожд и дува силен ветар, образложенија кои не биле прифатливи за посетителите.

Државата, зимскиот-туристички сектор и сите субјекти вклучени во оваа приказна потребно е координирано и партнерски да работат во насока на зголемување на квалитетот на услугите. Инвестициите и професионалниот менаџмент, а не тесни интереси се секако приоритет за успешно работење на нашите ски центри, но освен изјавите и најавите од голем број на официјални лица дека нешто ќе се промени, сепак секоја сезона резултатот е ист,  а револтот и незадоволството кај туристите и скијачите доминира.

Македонија не може да се потпира само на високите планини и убавини и да очекуваме дека сами од себе ќе придонесат посетителите посебно странските да се чувствуваат пријатно и задоволно со желба за повторна посета. Низ туристичките центри преовладува застарена форма на туристички менаџмен и услуги каде главен репер за споредба и конкурентност со останатите ски центри од соседството е цената затоа што друго и не се спомнува.

Од друга страна самите туристи ја дефинираат разликата во конкурентноста на центрите почнувајќи од чистите и реновирани хотелски капацитети, богатото мени на понудена храна во рамките на аранжмани со шведска маса, забавата, љубезниот персонал и целокупната ифраструктура. Понатаму, постојаните инвестиции, беспрекорно средените ски патеки, модерни гондоли и ски лифтови, маркирани и обезбедени патеки, интегрирани информациони системи се дел од позитивните елементи кои ја прават есенцијалната разлика во конкурентноста.