skimacedonia
Како што објави уште во неделата планинарскиот клуб Предејане од Србија, во зоната на Јелак која ја опфаќа задната страна на ски центарот Попова Шапка во делот кој врвот Плат 2389м околу 10 часот врз група од 17 планинари од Србија и Македонија се срушила лавина која зафатила 9 планинари и ги затрупала целосно.
Благодарение на присебноста на останатите осум планинари и нивната брза реакција дошло до извлекување на зафатените, кои биле лесно визуелно маркирани и приближно позициониран при падот на лавината. Целата интервенција траела кратко време околу 15 минути, навремено да се интервенира, за да не дојде до задушување на дел од затрупаните.
Во целата оваа случка има само полесно повредени и како што изјавуваат, среќа е што не биле зафатени сите 17 планинари, каде во таков случај би немало кој да им помогне во брзата реакција и спасување.
Ова качување беше организирано од Планинарски клуб “Предејане” од Србија во која учество земаа неколку планинари од Тетово.
