Иксачување на Боговињско езеро и Бориславец

Следи го настанот

ПК Македон организира
Отворена еднодневна акција на Боговињско езеро и Бориславец, Шара  28 август 2016

Најпрвин се поминува низ селото Боговиње, па низ Ново село каде се оставаат комбињата и од каде започнува турата. Се оди по макадам, а потоа покрај браната и покрај Боговињска река благо се искачува низ живописен пејзаж. Потоа патеката продолжува низ раскошните падини на Шара се до бачилото каде може да се дегустира автентично шарско овчо сирење. За кратко пристигнуваме до езерото каде остатокот од денот ќе се помине во дружба и уживање. Турата до езерото е средно тешка .

Оние кои не ги држи место и имаат вишок енергија за трошење, додека другите уживаат во Шарските пејзажи, може да го искачат и врвот Бориславец, еден од најмоќните врвови на Шара. Се искачува директно над езерото по стрмна падина. Турата е тешка и бара 2 до 3 часови интензивно искачување (во зависност од темпото). Погледот од врвот е спектакуларен од каде се гледаат Црно езеро, врвот Рудока, Голем Турчин…

Од опрема задолжително да се понесат планинарски обувки, јакна/кабаница поради можност за променливо време и ветар, капа и крем за заштита од сонце, но и влечки за на плажа 🙂 По патот ќе се изведуваат кратки паузи. Вода има на многу места во селото и по патот.

Поаѓањето е во 6 ч. од паркингот на Веро тафталиџе, а враќањето е во вечерните часови. Превозот е организиран со комбиња од Скопје до Ново село. Бројот на местата се ограничени. Пријавувањето задолжително се извршува по телефон на 072 24 39 39. Рокот за пријавување и уплатата е најкасно до четврток 26 август 2016. Доколку не се уплати до одредениот рок, местото се отстапува на други заинтересирани. Цената за турата е 550 денари.

* * *

Секоја промена или откажување на учеството на турата да се пријави кај организаторот. Турата е отворена и за членови на други планинарски друштва или за ентузијасти или планинари кои не се членови на планинарско друштво. Организаторот го задржува правото да направи промени на турата.