skimacedonia
Спортскиот клуб Клисура заедно во соработка со Општина Демир Капија уште еднаш ве поканува на незаборавно дружење во природа на INTERNATIONAL OUTDOOR FESTIVAL – DEMIR KAPIJA 2016. Фестивалот ќе се одржи од 13 до 15 Maj 2016. Место за Фестивалот се наоѓа во уникатната природна убавина во регионот на општина Демир Капија која што е идеална за сите спортови и рекреации кои што се одвиваат во природа. Целта на фестивалот е зацврстување дружењето помеѓу сите љубители на природата и спортот. Настанот е наменет за сите качувачи, алпинисти, велосипедисти, планинари, спелеолози и сите они кој што ја сакаат природата планините реките и шумите и добро дружење.
Во текот на деновите на фестивалот сместувањето е во камп за шатори и во алпинистичките домови и останати хотели во Демир Капија. Исто така се обезбедени и места за презентација на вашите омилени активности, филмови и слајд шоуа ќе може да ги представите на неколку видео бимови во ресторанитe. Неофицијално ќе биде организиран и концерт и друга културно забавна програма. Исто така ќе функционира и спасителната служба. Поканата е отворена и за учество сите заинтересирани федерации и клубови исто така и спонзори и институции кои што сакаат да ги подржат и развиваат спортовите во природа во Република Македонија.
Програма за INTERNATIONAL OUTDOOR FESTIVAL – DEMIR KAPIJA 2016
– Рок маратон и BigWall брзинското качување.
-Алпиниада со алпски маратон, мултипич маратон, техническо качување, качување за почетници.
– Историски крос 1,5 километри од “Железна порта” во центарот на Демир Капија.
– Рекреативна планинарска прошетка до местото на качувачките настани.
– Рекреативно возење велосипед низ околните села на Демир Капија.
– Забава во парк со логорски оган и дегустација на традиционални храна и вино од овој регион.
– Фото и видео презентации од спортските постигнувања
– Дружење во природа со логорски оган
– Отворен музеј на вино во Демир Капија за слободен влез и винарските визби
– И многу повеќе
(Програмскиот дел може да биде подложен на мали промени)
За учество на фестивалот учесниците мора да се регистрираат и да се потпише изјва на лична одговорност и компетентност во избраната форма на активност. Лица под 18 години треба да имаат дозвола од нивните родители.
Добродојдовте во најубавиот природен регион Демир Капија Република Македонија!
