skimacedonia
Операција вредна милијарда денари ентузијазам….
Ухх, минаа повеќе од четири години од погледот како што ја гледавме Галичица, момент кога е идеално да се проба да се направи нова промотивна репортажа за запознавање со запоставените и заборавените туристички дијаманти.
Првпат кога се пиша нешто за оваа дивина на југот сместена помеѓу две езера, беше и една од првите ски репортажи за овој веб. Скијате и бордате низбрдо, надоле, слободни без граници низ снежни долини, надополнети со големото синило на езерата и пејсажи налик на скандинавските фјордови. Комбинација од пејсажи со кои малку ски региони и туристички центри би можеле да се пофалат, а идеална дестинација за ексклузивен алтернативен туризам. Периодов наназад, ја планиравме и мислевме многу, но ете оваа година иако генерално топла за градовите, се покажа доста снежна за планините. Конечно се поклопи времето, најдовме стабилен викенд во нестабилниот и врнежлив март и во итна координација со нашите пријатели и домаќини, Стојан Стојановски (2S Studio), Зоран Димоски (З’ш Точак, Samoilova ракија), договоривме оваа тура да ја документираме како што и самата Галичица заслужува. 
Снежната граница и комплексните услови на патот кој беше се уште под снег, дополнително блокиран со лавини лизнати од доловите под врвот Лако Сигној и големите навеви, не принуди да качуваме од многу подоле. Иако во обидот да тргнеме од превојот кај малата црквичка Св.Ѓоргија, имавме асистенција и од регионалната дирекција на Македонија Пат на кои им сме јавно благодарни за експресната позитивна реакција и радост дека ете некој ќе снима за Галичица, сепак стартот беше месноста Корита.
Во прилог видео за Галичица какво до сега немало за промоција на овој регион, за првпат се искијаа кулоари/делници кои до сега биле само восхит и воздишка, чекавме и се забавуваме повеќе од еден час за сонцето да дојде на вистинското место пред заоѓање за да го снимиме најдоброто до сега, не го пропуштајте крајот….Мики и Златко едвај ги прибравме за дома 🙂
