Човекот што пред година дена го искачи својот прв врв а потоа сите во Македонија и највисокиот во Европа

Стојчев Стоилко започна со планинарење пред една година. На 18 октомври минатата година ја изоди својата прва тура – трансферзалата Македон (Папрадиште – Солунска глава – Караџица), со прв искачен врв Солунска Глава 2540 м.

Од тогаш, за цела година до 18 октомври 2016, искачи 55 врва сите над 2000м, а за период од 9 месеци, по првото негово искачување, успешно го искачи и највисокиот врв во Западна Европа, Монт Блан 4810. Во меѓу време Стоилко, ги истрча Скопскиот полумаратон на 21км, Охридски маратон 31 км, Крали Марко 31 км, Момата 19км.

Од позначајните врвови искачени се: Монт Блан 4810м (Франција), Брајтхорн 4164м (Швајцарија) , Вихрен и Тодорка (Бугарија) и најголемите и најатрактивни врвови на македонските планини, доста од нив и тоа на самиот почеток се зимски тури, Голем Кораб, Титов Врв, Бориславец, Кобилица, Голема и Мала Врача, Кабаш, Рибничка Скала, Бакардан,Мал Турчин, Крчин, Галичица-Магаро, Остри врв, Љуботен, Убава, Миленков Каме итн.

Како што и самиот вели “Се гордеам со овој човек”!

Столе (машината) го ставивме во дигитален видео запис на една од неговите први тури 🙂