skimacedonia
Во насока на развој на фантазерски туризам и трката по материјалната надмоќ многумина се исклучија од свеста и разумот и забораваат на бројните последици од претераната урбанизација и буквално бетонирање на Охрид и Охридско езеро.
Единствената предност на охридската ривиера, дивите и природни плажи, како и чистото крајбрежје лесно (многу лесно) можат да станат заборав и сива стерилна слика од која нема назад!
Сите сакаме развиен туризам, многу вработувања, приходи за сите, но досегашната масовна и брутална експлоатација низ долгите години наназад преку разно разни објекти, апартмани, диви шанкови и згради на сред езеро, не оставаат простор да мислиме дека вие навистина гледате одговорно кон иднината на оваа езеро.
