skimacedonia
На нас добро познатиот произведувач на зимска ски опрема, Елан од Словенија се наоѓа пред стечај. Европската комисија побарала од Словенија да покрене стечајна постапка за компанијата од Бегуње Горењскем, а причината е реализација на долгови од десетина милиони евра.
Државата морала да го наплати долгот уште минатата година, тоа не се реализирало па се проценува дека стечај за брендот Елан е единствена опција. Словенија т.е државата има удел во петнаесетина претпријатија меѓу кои е и Елан.
Приватизацијата на Елан е во застој, а медиумите оценуваат дека Брисел тренира строгост која не ја применува кон други влијателни членови на ЕУ. Се шпекулира дека оваа одлука на Европската комисија е исфорсирана под влијание на автриско-швајцарската компанија Cameva која претходно била заинтересирана да го купи Елан.
