skimacedonia
Петра Влхова провозе секунда плуст на слаломската трка во Загреб, пред неприкосновената Микаела Шифрин која најчесто ја гледаме на првото место. Влхова, последен пат ја совлада Шифрин пред една година на трката во Флахау, а денес доминираше во двете возења. Влхова ја заврши втората трка со време за 1,32 секунди подобро од она на Шифрин, третопласирана заврши Катарина Лајнсбергер со 3,49 секунди послабо време од Влхова. „Оваа победа е многу значајна за мене затоа што дека Шифрин скијаше многу брзо. За да победам, морав да ризикувам цело време, и за среќа успеав“ – изјави на крај Влхова.
Французинот Клемент Ноел се запиша за победник на првиот слалом годинава, пред швајцарецот Зенхаусерн, а повеќе изненадување беше третото место за италијанецот Алекс Винацер чии најдобар резултат до сега беше 12 место на трката во Леви.
Паралелно додека траеше настанот, најдобриот скијач во хрватска историја, Ивица Костелиќ, упати жестоки критики за квалитетот на патеката во Сљеме. Тој на телевизија искоментира „Кој го поставуваше ова, па ова е идиотизам. Нема врска со Светски куп, ова е патека за деца. Луѓето кои го водат Светскиот куп мора добро да размислат што ќе прават понатаму“ Претходно додека заедно со сестра му Јаница владееше на патеките, неговиот татко, Анте Костелиќ долги години беше критикуван од страна на самите скијачи заради тоа што поставуваше исклучително тешка патека за техничките дисциплини.
