skimacedonia
Снегот што паѓаше изминатите денови во голема мера ги подобри условите за скијање на Попова Шапка каде има нови 30 см снег. Иако е далеку од доволно со оглед дека патеките беа скоро празни сепак скијањето на патеките е добро, а за следните денови се очекува ова темпо на врнежи од снег да продолжи паралелно со температури под нулата.
Во Маврово на Бистра снегот додаде нови 15 см , вчера беа во функција сите лифтови освен Белички лифт, но на стазите под жичниците фалат дополнителни количини снег. На Копанки има снег на горната патека кај ски лифтот, но дополнително ќе објавиме доколку работи центарот. Во останатите ски центри скијањето е во прекин заради недостаток на снег.
