skimacedonia
По повод 50-годишнината од постоењето на ФИС Светскиот скијачки куп, во самиот центар на Загреб синоќа беше одржана ревијална трка со 18 поранешни победници во Светскиот куп. Над 50 камиони деновиве истоварија 900 кубици снег покрај познатата загрепска катедрала до фонтаната Мандушевац на плоштадот Бан Јелачиќ.
На импровизираната патека во центарот на Загреб скијаа многу скијачки легенди Алберто Томба, Тина Мазе, Марк Џирардели, Пернила Виберг и Марсел Хиршер како и домаќините Јаница и Ивица Костелиќ. Трката беше ревијална, а првото место и припадна на Ренате Гечл.
„Не мислев дека ова е можно. Татко ми зборуваше за ова, дека е може да дојдеш до плоштадот Бан Јелачиќ од Слјеме. Среќен сум што сум дел од ова“ изјави Ивица Костелиќ
Ревијалната трка е и увертира на денешниот слалом Snow Queen Trophy на Слјеме над Загреб
https://www.facebook.com/skisljeme/videos/1291282557599093/
