Попова Шапка од сезонава воведува електронски ски карти

Ски центарот Попова Шапка за сезонава имплементираше систем за електронска евиденција на ски картите. Новина која ќе придонесе за зголемена контрола на наплатата и поквалитетна евиденција. Паралелно со тоа тече и промотивниот период за купување на сезонска ски карта по популарна цена од 8500 денари + 150 денари за депозит. Оваа цена е важечка до 20.12.2018 година, а после овој датум цената ќе биде 9.500 денари + 150 депозит (кауција).  На Пелистер, за ски центарот Копанки цената на сезонската карта е 4000 денари. Целиот ценовник за Попова Шапка и Копанки, овде.

Низ центарот викендов наврнаа 20на см снег, а во следните два дена се очекува претежно облачно време, слаб снег, слаб до умерен ветар и генерално температури во минус. Периодот е поволен за турно екскурзии до околните двеиполилјадарки и пуштања се до центарот назад.

Аплицирајте за сезонски билет на 076 363 516 (Viber, WhatsUp), info@elemturs.mk; petkovskibojan1@gmail.com.