skimacedonia
На неодамнешниот ЕХО Фестивал на планински филм, проектот „This is Herstory“ беше премиерно прикажан со првиот портрет од овој серијал, 4 минутна приказна на Ута Имбрахими. Учествувавме во категоријата за најдобар краток планински филм, и ја освоивме првата награда GoPro камера од спонзорот Prosport Skopje. Благодарни сме на жирито и на организацијата на ЕХО. Наградата навистина дојде во прав момент и истата креативно ќе биде искористена во понатамошната работа. До крајот на годината ќе ја лансираме првата серија составена од 3 портрети на инспиративни девојки од регионот. Следната година се надеваме дека ќе бидеме дел и од официјалната селекција на ЕХО и на други меѓународни Филмски фестивали.
Овој документарен видео проект има за цел да промовира девојки од планинарските спортови на глобално ниво, да поттикне, инспирира и раскаже за посветеноста и трудот на патот кон нивниот успех.
Наслов на филмот – “This Her story” Uta Ibrahimi
Времетраење 4:14
Автори :
Режисер – Игор Христов Igor Hristov
Идеја и креативен Продуцент – Илина Арсова Ilina Arsova
Камермани – Рашко Раков и Горан Кузмановски
Монтажа: Дејан Смилески
Краток опис:
Ута Ибраими е првата Албанка од Косово која го искачи Монт Еверест. После тој подвиг Хималаите и Непал станаа нејзин втор дом, со една единствена цел, да ги искачи сите 14 х 8000м врвови. Ова е нејзината приказна.
Илина Арсова
