skimacedonia
По иницијативата на Општина Вевчани за заживување на идејата за изградба на ски центар на падините на Јабланица, студијата и мастер планот за изградба на ски центарот се веќе готови. Целосната изработка на проектот чини 250.000 евра, а нарачател беше МЕПСО АД Скопје.
Плановите предвидуваат ски патеките долги триесетина километри, на потегот кон месноста Голина, на надморска височина од 1.900 до 2.100 метри, со должина на жичницата од 3,5 километри. Ски центарот на Јабланица би имал капацитет да прими околу 4.500 скијачи дневно. Проектот предвидува и изградба на пет до шест луксузни хотели со 4 и 5 ѕвезди.
Планината Јабланица се наоѓа на запад од Охридското Езеро и долината на реката Црн Дрим. На Република Македонија и припаѓа нејзината источна страна, која гледа кон Стогово, Охридското езеро и Галичица. Планината се протега во правец север-југ долга околу 45 км, со ширина која достигнува до 25 км. Највисокиот врв на Јабланица е Црн Камен висок 2257м. Јабланица поседува исклучителни геоморфолошки вредности, тревни тераси, помали и поголеми циркови, валови и неколку леднички езера.
