Ќе има ли повеќе свеж воздух и пријателска средина за точак?

На Г7 собирот одржан во Баварија седумте лидери се обврзале дека „до крајот на векот глобалната економија ќе ја ослободат ерата на фосилните горива“.

Активистите за заштита на животната средина најавата ја опишуваат како добар знак дека плановите за целосно откажување од фосилните горива би можеле да бидат донесени на париската средба посветена на климата подоцна годинава.

Во реакцијата на финалниот извештај од самитот, Европската фондација за климата, најавата од Г7 собирот ја навела како историска „крај на ерата на фосилните горива“ и „важна пресвртница кон нов договор за климата во Париз“.