И ние бевме таму МТБ Мариово

Изминатиот викенд беше реализиран Mariovo OFF-Road Experience, во селото Манастир, Мариовско. На Организаторите од Здружението за унапредување на велосипедизмот „Велоевропа“ од Скопје им се придружија над 700 бајкери, точкаџии, велосипедисти, вртачи на педаљи. Годинава  беше реализирана МТБ рута која стартуваше од селото Манастир, а минуваше низ селата Чаниште, Рапеш и Зовиќ во должина од 55 км. Многу сонце, високи температури, ладни глави и весели лица. Ова се дел од моментите на нашите 15 часа, Мариово.