skimacedonia
По претставувањето на најновата колекција филмови кои ќе ви ги доближат најинтересните приказни и најголемите атлети во качувањето во светот, време е да ја објавиме и локалната програма на најголемите достигнувања изминатава година, а секако и датумот на одржување на македонската премиера на REEL ROCK 11.
На 20 ноември во киното Фросина (МКЦ) по трет пат во Скопје ќе се случи најголемиот качувачки празник кој ќе ви донесе возбудлива акција, патувачки истражувања низ светот, голема смеа и вистинска инспирација. Што се однесува до нашите најголеми достугнувања, неизбежно за претставување е искачувањето на највисокиот врв на Северна Америка, Денали, кој беше петтиот предизвик на нашата алпинистка Илина Арсова од циклусот „7 врвови на 7 континенти“. Планината позната и под американскто име МекКинли, која со право го носи епитетот „најстудена планина на светот“, претставува еден од најсериозните и најизолирани врвови во светот, а овој суров високогорски и ски – алпинистички предизвик со неговите 6195 метри надморска височина, го реализираше заедно со Филип Василески – Четкар, при ведро небо, но силен ветер и екстремно ниски температури на 24 Мај оваа година.
Друг дел од локалната програма е видео материјал од натпреварите во спортско качување на нашите качувачи реализирани низ Европа во текот на 2016та. Со ова ќе направиме краток осврт на дел од највозбудливите достигнувања на локалната качувачка сцена.
И за крај повторно да резимираме и да се потсетиме на сите филмови кои ќе ги уживате во единаесеттата турнеја:
НОВИ ДЕЧКИ
30 мин.
Главни ликови: Ашима Шираиши и Каи Лајтнер
Споредни ликови/гласови: Крис Шарма, Меган Мартин, Робин Ербесфилд-Рабоуту.
Запознајте ги новите фаци на качувањето: 15 годишната Ашима Шираиши и 16 годишниот Каи Лајтнер, лидери на новата генерација, кои веќе го носат спортот на следното ниво. Ашима, која жиеве во Њу Јорк, е најмладата личност и првата жена која искачи 5.15a . Каи, кој доаѓа од Фајатевил, Северна Каролина, стана национален шампион во качување уште во средно училиште. НОВИ ДЕЧКИ ги следи овие двајца пријатели и чудо од деца за време на нивниот летен одмор во Норвешка, каде легендарната пештера Флатанџер, ги става на тест нивните вештини и ги принудува да излезат надвор од комфорт зоната. За крај, Ашима патува за Јапонија да направи историски подвиг и да постави нов стандард на Хорајзонс, жесток болдер проблем со 30 движења, на работ на оцена V15.
МОМЦИ ВО ВРЕЌИ
20 мин.
Главни ликови: Мет Сегал, Вил Станхоуп
Споредни ликови/гласови: Седар Рајт
Мет Сегал и Вил Станхоуп се елитни качувачи по пукнатини и смотковци од светска класа. Во ера на елитни спортисти, модерни диети и строги режими за тренинг, олдскул пристапот на Мет и Вил се состои од напорни обиди, доста забава и лекување на болката со неколку ладни… Предизвикот се појавува кога прават обид на зезнатата мулти-пич 5.14 пукнатина која се издига над глечер во Канадската дивина на планината Бугабу. Придружете се на нивниот ролеркостер од смеа и солзи за време на епската, неколкугодишна потрага, да се постави најсилниот кандидат за најтешкото традиционално алпинистичко искачување.
БРЕТ
12 мин.
Главни ликови: Берт Харингтон
Споредни ликови/гласови: Марк-Андре Леклер
Проследете го надоаѓачкиот талент Брет Харингтон, низ нејзиното глобалното патување од гранитот во својот роден град Сквамиш, преку пологонот за докажување – големиот ѕид на Ел Капитен во Јосемити, па се до крајната дестинација, нејзиното познато фри соло на шпицот Сент Егзипери во Патагонија.
ОДЛИЧЕН ТАТКО
12 мин.
Главни ликови: Мајк Либецки
Споредни ликови/гласови: Енџи Пајн, Џонатан Тесенга, Кори Ричард, Даглас Мекдоналд
Осамениот волк Мајк Либецки има реализирано повеќе од 50 експедиции со својот појас, патувајќи најчесто сам, до најоддалечените делови на светот да пронајде неискачени ѕидови и да воспостави први искачувања. Кога Мајк стана татко, доби нов предизвик: да го усогласи својот авантуристички живот со барањата на родителството. Во тој процес, тој може да добие и нов партнер за своите експедиции.
DODO’S DELIGHT
30 мин.
Главни ликови: Шон Виланова Одрискол, Нико Фавресе, Капетан Боб Шептон
Споредни ликови/гласови: Оливер Фавресе, Бен Дито
Спакувајте ги инструемнтите и развиорете ги едрата за една луда едречка авантура низ Арктичкиот круг со бродот Dodo’s Delight. Придружете се на Шон Виланова Одрискол, Бен Дито, браќата Нико и Оливер Фавресе, и нивниот 79 годишен капетан, почитуваниот Боб Шептон, кога бандата тргнува на рокачко музичко патување на отворено море, смрзнувачки темпеартури и неискачени големи стени. Telluride Mountainfilm кој на Dodo’s Delight му ја додели престижната награда „Charlie Fowler“, го нарече филмот “олицетворение на авантурата”.
