skimacedonia
И оваа есен сме во нетрпеливо исчекување на датумите за најголемиот качувачки празник – REEL ROCK филмската турнеја, која стигна до своето единаесетто издание. Голем дел од датумите се одредени, картите веќе распродадени, се појави трејлерот, а конечно се објавени и петте филма кој ќе ви ја дадат овогодинешната доза врвно качување и бескомпромисен алпинизам. Во продолжение на следните недели, до објавување на датумот на овогодинешното локално издание на REEL ROCK 11, со краток опис и галерија со фотографии ќе ги прeтставиме сите филмови од најновата колекција кои ќе ги прикажат најинтересните приказни и најголемите атлети во рамките на спортот, а во меѓувреме секако ќе ја објавиме и локалната програма која и оваа година ќе се осврне на нашите највозбудливи качувачки подвизи. Петте нови филмови ќе ви донесат возбудлива акција, патувачки истражувања низ светот, голема смеа и вистинска инспирација, а вториот кој ќе го уживате во единаесеттата турнеја е филмот:
МОМЦИ ВО ВРЕЌИ
20 мин.
Главни ликови: Мет Сегал, Вил Станхоуп
Споредни ликови/гласови: Седар Рајт
Мет Сегал и Вил Станхоуп се елитни качувачи по пукнатини и смотковци од светска класа. Во ера на елитни спортисти, модерни диети и строги режими за тренинг, олдскул пристапот на Мет и Вил се состои од напорни обиди, доста забава и лекување на болката со неколку ладни… Предизвикот се појавува кога прават обид на зезнатата мулти-пич 5.14 пукнатина која се издига над глечер во Канадската дивина на планината Бугабу. Придружете се на нивниот ролеркостер од смеа и солзи за време на епската, неколкугодишна потрага, да се постави најсилниот кандидат за најтешкото традиционално алпинистичко искачување.
Минатата недела го претставивме првиот филм од овогодинешниот REEL ROCK, филмот Нови дечки.
