ВОДНО-МАТКА ПЛАНИНСКИ МАРАТОН

ВОДНО-МАТКА ПЛАНИНСКИ МАРАТОН ЕДНА ПЛАНИНА – ЕДЕН КАЊОН – МНОГУ АВАНТУРА

Секоја планина си има своја долина, секоја река има свое езеро, нашето Водно ја има својата Матка. Нераскинлива природна архитектура и врска која е на само 10-тина минути од центарот на бучавата, можност за целодневно лесно пешачење или можеби уште поинтересно, трчање низ најатрактивните делови на планината Водно и кањонот Матка.

Оваа пролет, на крајот од март, планината Водно и нејзиното фантастично природно огледало – кањонот Матка ќе бидат домаќини на настанот во планинско (треил) трчање – Водно Матка Треил Маратон.

Настанот е закажан за рана пролет – 25.03.2018 година кога ќе се одржи и првото издание на трките во организација на здружението ТРЕКС и ПСД Макпетрол. Во минатото, пред околу 10тина години, патеката – Полиција – Врв – Матка (Св. Андреја) во должина од 18км беше дел од тогашното државно првенство во планинско трчање, настан кој се одржа неколку години за ред.

Идејата за возобновување на трката и нејзино надополнување во уште поголем предизвик, тимот на ТРЕКС веќе подолго време ја разгледуваше, за оваа 2018 година да се реши да ја потегне организацијата.

Планирани се две трки од 23 и 40 километри – маратон и полу маратон, кои имаат соодветна висинска разлика од 1400 и 2800 метри. Стартот е предвиден од месноста „Полиција” во населбата Водно, а финишот на врвот Крстовар – пл. дом Даре Џамбаз. Временскиот лимит за минување на полу маратонот ќе биде 7 часа, а за маратонот 10 со тоа што на 26-тиот километар ќе биде предвиден дополнителен временски лимит.

Трката е отворена за сите љубители на планината и движењето, а патеките минуваат низ едни од најинтересните делови и погледи на пределот како и бројните културно-историски локалитети во околината – вкупно 7 цркви и манастири, покрај реката Треска и езерото Матка, селото Горно Нерези итн. Повеќе информации може да пронајдете на веб-сајтот vodnomatka.mk, а пријавувањето е веќе отворено.

Општи информации за настанот ● Настан: Водно-Матка Треил (Планински) Маратон ● Тип: Активности во природа / Трчање по планински патеки ● Карактер: Меѓународен ● Локација: Планина Водно – Кањон Матка ● Дата: 25 Март 2018 (08:00 ч.) ● Веб: www.vodnomatka.mk ● E-пошта: info@vodnomatka.mk ● Традиција: 2018 – прво издание ● Организатор: Здружение за спортови во природа ТРЕКС – www.trex.mk ● ITRA Бодови: 2 | Mountain points: 8 | Официјален линк на трката (ITRA) ● Должина: 39.9 km | Искачување: 2860 m | Симнување: 2120 m | Временски лимит: 10 часa ● Највисока точка: 1060 m | Средна висина: 684 m | Најниска точка: 294 m | Најголемо искачување: 570 m | Најголемо симнување: 770 m