Интервју со Кристијан Ќулумовски – Преспа Бајк за Tour De Galicica

skimacedonia 07/06/2018 Коментрај

Во прилог ептен флеш интервју со претседателот на Преспа Бајк – Ресен, Кристијан Ќулумовски, главен иницијатор и организатор на настанот Tour De Galicica. Настан кој е важен дел за промоција на туристички ригиони како што е преспанскиот, и дел од сличните оutdoor настани кои секој поединечно во својот регион, придонесуваат за промоција на спортот и анимирање на туризмот низ цела Македонија.

Атрактивна и живописна 70км долга велосипедска тура низ националниот парк Галичица и брегот на Преспанско езеро, која е закажана за викендот, 15ти до 17ти јуни 2018 година.

Кристијан, 5та година по ред се одржува овој интересен спортски настан во регионот на Преспа, накратко кои се новините, покрај главната вело тура и релаксираните забави за време на викендот?

За прв пат лани воведовме планинарска тура на врвот Магаро 2255 м.н.в на која имаше доста заинтересираност посебно од локалните љубители на природа и така оваа година имаме повторно планинарска тура, но на другата страна на Галичица т.е одма до Лако Сигној каде го има најубавиот поглед на двете езера со должина од 7 км во двата правци. Oваа година се надеваме дека ќе има многу повеќе планинари од претходната година. Велосипедската тура останува иста и изнесува 70 км.

Како еден од ретките настани од ваков тип во тој регион, Tour De Galicica е сериозен аниматор на туристичката сцена и промотор на преспанскиот регион. Колкав е досега интересот од страна на странските туристи да бидат дел од овие интересни авантуристички собири во планински велосипедизам?

Па има доста заинтересираност од странските туристи. Во овие четири години имаа присуствувано велосипедисти од Грција и Албанија. Оваа година исто така имаме доста добра соработка со пријатели од Албанија кои ќе учествуваат на планинарската тура. Поканети се и неколку амбасадори од различни земји на кои се надеваме дека ќе не угостат со нивното присуство.

Кои се предизвиците со кои се соочувате при организација на вакви outdoor настани корисни за спортот и промоција на преспанскиот регион како туристичка дестинација. Што мислите дека недостасува како сериозно надополнување или асистенција за настани од ваков тип?

Има доста предизвици со кои се среќаваме секоја година. Јасно е дека имаме некогаш и потешкотии околу спонзорства но некако се снаоѓаме за на крај да изгледа се во најдобар ред. Секоја година имаме поддршка од Општина Ресен, но би ни било драго доколку во наредните настани имаме максимална поддршка од нив и како на другите слични настани што се оддржуваат низ Македонија, да ја имаме и ние таа доверба од Општината и овој настан да продолжи да се одржува во најдобро светло многу години.

Како од локалните спонзори, оваа година по втор пат официјални поддржувачи на настанот “Tour de Galicica” се SWG RRD со кои имавме многу добра соработка и во 2016 година.