skimacedonia
Сигурно се сеќавате на моментите од сезоните наназад кога бројни возила од различни причини заглавија низ превоите во Западна Македонија.
Кој по своја вина, некои заради туѓа неодговорност, испомрзнаа и поминаа во снег и студ повеќе од 24 саати. Ваквите ситуации во кои многу луѓе се најдоа неспремни, се доволен пример дека не треба да се потценуваат релативно кратките релации низ градовите и локалните населени места.
Работи кои е пожелно да се носат со себе во кола, секогаш кога патувате во зимски услови, посебно во денови кога се најавени врнежи од снег, а со цел секоја инцидентната ситуација полесно да ја поминете.
Покрај основните законски обврски да носиме зимска опрема, ланци и зимски гуми, корисно е да располагаме и со:
- Kратка лопата за снег. Понекогаш врши работа и најобична мала евтина пластична лопатка, која ќе помогне побрзо да го расчистите снегот околу вашето возило.
- Четка за расчистување на стаклата од возилото од снег и мраз
- Сува микрофибер крпа – помага за бришење на замаглените стакла во возилото
- Ракавици – покрај обични базични ракавици од памук или волна, добро е да поседувате и медицински ракавици кои се комплетно водонепропустливи, а кои може да ги ставите врз обичните ракавици како би се заштитиле од влага, а рацете би ви останале суви при чистење на снег, монтирање на ланци итн.
- Лед ламба, челна или обична рачна + свеќа – дава каква таква топлина во мал затворен простор
- Ќебе за покривање кое ќе ве згрее доколку не ви работи возилото
- Ситна храна двопек, чоколадо и шише вода
- и секако за крај макар и да одите на релација Кичево – Охрид не го правете тоа во пижами, ќе смрзнете!
