skimacedonia
Со електронска аукција, општината Маврово и Ростуше ќе продава осум градежни парцели во Маврови Анови и Маврово. Се работи за парцела од 2.266 метри квадратни чија намена е изградба на хотел и седум плацови за викенд куќи со површина од околу 600 метри квадратни.
Почетната цена на огласеното земјиште е 61 денари за метар квадратен. Сите заинтересирани субјекти треба да ги достават своите понуди најдоцна до 21 април, а електронското јавно наддавање за земјиштето е предвидено да се одржи на 27 април. Откако ќе го купат градежното земјиште, понудувачите имаат рок од девет месеци за да обезбедат одобрение за градба, а рокот за изградба е 72 месеци од денот на добивање на градежната дозвола.
