skimacedonia
Ски регионите зафатени со нови врнежи од снег, на Маврово и Попова Шапка веќе има нови 15-20 см од изминатата ноќ. Во петок снежните врнежи ќе се интензивираат, обилни врнежи од снег во петок кон сабота се очекуваат во регионите на Пелистер и Кожуф. Новиот слој на снег во некои ски региони како Пелистер, Попова Шапка и Кожуф ќе надмине 40 см.
Забрана за движење на тешки товарни возила има на крак Маврово-Дебар поради врнежи од снег.
Според информациите добиени во АМСМ од Ј.П. Македонија пат, сообраќајот на останатите државни патишта се одвива без забрани, по влажни коловози.
АМСМ препорачува внимателно возење!
