skimacedonia
Веројатно на сите ни е доволно од ова топло време среде октомври, па редно време е и очекувано беше снегот да се најави. Од средината на следанта недела следува промена на временската шема, со студен арктички продор и снег пред се низ Шара и Кораб. Веројатно се соочуваме со првиот сериозен излив на студено време од Арктикот оваа есен. Иако е мошне топло во моментов со скоро рекордни температури, многу постудена воздушна маса ќе се рашири низ источно-централна Европа и ќе донесе поголем пад на температурите! Тоа значи дека зимската планинарска опрема, планинарски чевли и топла облека мора да биде задолжителна.
