Кога својата младост ја вложувате во скијање Хинтертукс вториот дом на ски клубот Скади

Трета сесија од планираните шест посети на глечерот Хинтертукс во Австрија за скопскиот алпски ски клуб АСК Скади.  Дестинација која е нивен втор дом, каде преку современи методи на тренинг се припремаат идните македонски сениор репрезентативци. Тренинг сесите се реализираат од крајот на април-мај па се до крајот на ноември, а зависно од временските услови траат по две недели. Тренинг патеките на глечерот во Хитертукс се наоѓаат на 3200 метри, а температурите дури и во летните денови може да достигнат до -10 °C, секако притоа да се разбудите и со нов снег.

Колку се интензивни тренинзите во АСК Скади под главно менторство на Александар Атанасовски-Чаве, зборува фактот што се достигнуваат 150 тренинг денови на снег или речиси половина од годината, децата својата млада енергија ја вложуваат во тренинзи и натпреварувачки денови. Целокупните активности под менсторство на искусни тренери, придонесуваат за многу позитивни елементи во нивниот развој, надвор од бенефитите на спортската активност. Зголемена самодоверба и независност во извршување на многу секојдневни задачи, позитивни навики, здрава комуникација, социјализација со различни генерации на деца и дисциплина.

Периодов на глечерот во Хинтертукс се и повозрасните репрезентативци кои се натпреваруваат за Македонската алпска селекција.