skimacedonia
Периодов се обидовме да собереме и објавиме инфо од скоро сите дистрибутери за тоа каква ски опрема има низ Македонија и што се можете да купите низ нашите продавници. Пред објавување пристигнаа податоци од оние кои реално и се најсериозни и најпосветени во продавањето скијачка опрема.
На македонскиот пазар има солидна понуда на брендови, но не секаде има поголем избор на модели од истите. Може да си набавите опрема скоро од сите познати брендови: Atomic, Fischer, Rossignol, Salomon, Head, Blizzard, Dynafit, Faction, Elan, Black Diamond, Nordica, K2, Volkl.
Цените варираат од модел до модел, а секако “најљути” цени имаат топ моделите за 2019та година.
Селектиравме и ќе наведеме по неколку носечки модели кои ги има на располагање на нашиот пазар. Без навлегување во нивен поопширен опис, повеќе детали можете да проверите на нивните страни или директно да ги посетите. Покрај наведените модели, секако дека на располагање има и попристапни варијанти на скии кои се за почетници и рекреативци.
ProSport Скопје располага со водечките модели на Head скии и ски кондури. Од модели ги издвојуваме, KORE 117 модел кој е фрирајд ориентиранa скија и подржува сериозни скијачки перформанси до професионално ниво (спомнат во претходните објави во наша независна селекција на фрирајд модели 2019).
Supershape iSpeed модел на скија за алпско скијање и наменета за процесирани ски патеки, за бркање адреналин, создадена за брзина и јаки перформанси. Тука како надополнување се и моделот V-Shape 6 добри за почетници но и поискусни скијачи. Од ски чизмите ќе го издвоиме моделот VECTOR (Raptor) RS 130S, модел наменет за искусни скијачи со race перформанси, модел кој ги покрива сите сезони каде слободно може да притиснете на гас.
Останата зимска опрема, покрај HEAD, на располагање го имате и брендот The North Face.
Nomad Mobility е ексклузивен застапник за брендовите Rossignol, Blizzard, Dynafit.
Kaj Dynafit ги имате на располагње турно моделите Beast, Tour и Speedfit. Beast моделот е специјализирана за силно фрирајд возење, совршена скија за powder денови низ напредни и екстремни терени.
Tour моделот е повеќе турно ориентирана, лесна скија за долги туринг денови. Кај ски чизмите на располагање ги имате Beast ексклузивен и релативно лесен турно модел, со Vibram ѓон ориентирана за посилно фрирајд скијање, во однос на Radical како помека варијанта соодветна за почетници но и доволна за поискусни. Друг модел за напомена е Tecnica Mach 1, 120 HV ски чизма со ултимејт перформанси и високо ниво на прилагодување по желба. Се одликува со комфор и висока контрола.
Од Rossignol гамата имате можност да се опремите со 2019 модели на машки, женски и детските модели. Сезонава од Blizzard имате ексклузивна можност да купите некој од on piste моделите Firebird, Blizzard Quattro и Alright како и Freeride моделите Black Pearl, Brahma и Rustler.
Останата зимска опрема, покрај Rossignol, Blizzard, Dynafit, на располагање имате Reusch, Zanier, Thule, Alpina Sports и сноуборд опрема и везови Northwave and Drake.
Sportbike Скопје е увозник и располага со водечките модели на Fischer, од кои и знаменосците од гамата како што се моделите RC4 The Curve, The Curve GT , како и фрирајд/туринг моделите Ranger и Hannibal. Скијата RC4 The Curve претставува врвна натпреварувачка скија со исклучителни перформанси и во моментов е и водечка (best performance) скија воопшто на пазарот во Македонија, со златен медал од реномираниот саем за спортска опрема ISPO Munich.
Fischer Hanibal преставува помека фрирајд скија од Ranger наменета за долги туринг дестинации, лесна и цврста и во целост може да ги задоволи вашите фрирајд барања за секакви терени.
Кај ски чизмите го издвојуваме моделот Fischer Ranger Free 130, фрирајд модел во самиот врв на новитети која можете да ја користите и со турно везови со пинови. Станува збор за исклучително лесен и цврст модел на чизма, само 1.560 грама и 130 флекс, која подржува агресивно фрирајд возење и лесно искачување, поседува Vibram ѓон. Добра и за стандардни терени, но повеќе посветена на големите планини и екстремното скијање.
Sportbike располага и со Fischer Vacuum машина за адаптирање на чевлите по мерка на стапалото.
Останата зимска опрема, покрај Fischer, на располагање се брендовите Deuter, SMITH, Carrera, Regatta, Dare2B, Kikpi, Viking.
SPORT M е дистрибутер на брендовите SALOMON и ATOMIC. Располагаат со поголем избор на модели за ски патеки, издвојуваме три модели Salomon S/Max 8 и REDSTER S7. Salomon S/Max 8 располага со силна сендвич конструкција засилена на рабовите со Edge Amplifie. Скија за напредно ниво скијачи кои немаат потреба од вложување поголема снага за управување.
Salomon Aira 76 CF женска скија, лесна all mountain структура за лесно скијање, засилена со карбон флекс и титаниум структура. Atomic Redster S7 е модел исто за напредно ниво, слалом скија за силни способни скијачи кои имаат снага и знаење да притиснат на ски патеката.
Од ски чизмите на располагање ги имате интересните Atomic Hawx Prime 110 S кои имаат медиум флекс, полесна чизма по тежина од вообичаеното.
Останата зимска опрема, покрај Salomon и Atomic, на располагање ги имате и брендовите Colmar, 4F, Five Seasons, Hi-tec и други.
XMKD Shop Скопје е мала специјализирана продавница која ги носи брендовите Faction и Völkl. Брендови кои повеќе се посветени за backcountry дестинации или фан парк зони. На располагање ви стојат фрирајд модели од програмата на Faction, но и фристајл и фан парк скии од Völkl како и сноуборди од истата марка.
Останата зимска опрема, покрај Faction и Völkl, имате брендови како Marker, Nortwave, Look, Dalbello и други.
Mountrex – Тетово располага со нови модели од програмата на Rossignol, Pursuit 300 и Pursuit 200 за почетници и рекреативци, како и женски модел Rossignol Temptation 75 рекреативна скија. Сите модели се наменети за скијање на процесирани патеки низ ски центрите. Од ски чизми го издвојуваме Rossignol Alltrack 90 како и неговата женска варијанта Alltrack 80, модели за рекреативци.
Останата зимска опрема, брендови Reuch, Helvetice, Quicksilver, Carrera, O’Neill.
