skimacedonia
Патувања: беспрекорни ски патеки, луксузни сместувања
Ова се најдобрите Европски зимски комплекси според травел магазините.
Сигурно веќе размислувате за вашата ски или сноуборд зимска екскурзија. Европа и Алпите ги нудат едни од најдобри патеки во светот благодарение на декади инвестиции и развој на зимски комплекси. Не е изненадување што најдобрите светски зимски центри се на Алпите и тоа низ Австрија, Германија, Италија, Франција и Швајцарија.
Доколку барате нешто порелаксирано, со чувство на вистинска посебност, а подеднакво возбудливо би ви ги предложиле Нордиските земји со нивната долга сезона, повеќето тамошни центри имаат повеќе од пола година снежен амбиент.
По случаен редослед подолу се најдобрите ски ресорти во Европа, подеднакво добри и за сноубордери. Избрани се по еден од секоја од земјите на листата и нема да погрешите да ги посетите сите, секоја засебна приказна.
Норвешка: Norefjell
Совршен тура за еднодневна екскурзија од Осло, иако немаат многу високи ски патеки, поседуваат квалитетен вертикален пад од 1000 м – се до преубавите фјордови под падините, а со преку 200 км на шумски патеки, ова е задолжително за секој cross-country скијачи.
Каде може да престојувате: Norefjell Ski & Spa скоро доби награда за најдобар хотел во Норвешка.
Шведска: Åre
Со гарантирана снежна покривка се до средина на Мај, Åre има една од најдолгите ски сезони во Европа. Со вертикален пад од 900м е близу норвешкиот сосед, но со нешто повисоки патеки од Norefjell. Со 90 ски патеки и ноќно скијање од Декември – Март, Åre нуди возбудливи искуства за сите типови на скијачи.
Каде да престојувате: раскомотетесе во центарот, Hotel Åregården, најстар и најпрестижен хотел во Åre. Има неспоредлив поглед кон околната природа, езеро и планини, три ресторани и ноќен клуб за забава.
Италија: Cortina d’Ampezzo
Задоволството од патеки кое се протегаат на преку 120 км падини на Доломитите, Cortina d’Ampezzo има патеки кои се наоѓаат на надморска висина од 3000 м. Овој центар од бајките, со надимак “Snow Disneyland,” е лоциран само на некој час северно од Венеција и може да се стаса со воз или автобус, но има и пократок пат преку Innsbruck, Австрија. Тука се одвива и женската трка од Светскиот Куп, и можеби не е толку претенциозен како останатите центри во овој дел на светот иако е домаќин на посетители од првата класа.
Каде може да престојувате: Hotel Leitlhof – Dolomiten
Австрија: St. Anton am Arlberg
St. Anton am Arlberg на Тиролските Алпи кој нуди веројатно најдобро скијање на континентот (исто така е наречена “лулка на алпското скијање,” земајќи предвид дека падините во регионот го дефинираа овој спорт). Центар со 300км патеки и дополнителни 200км off-piste територија за напредни скијачи/бордери. St. Anton има собрано премногу награди за да се пропушти: овој ресорт може да ви биде на врвот на листата.
Каде да престојувате: Himmlhof, врвен lodging (на ниво на 4 ѕвезди).
Франција: Chamonix
Со доста сместувачки капацитети од 5 ѕвезди, ова градче на Француските Алпи е едно од најпопуларните светски скијачки дестинации. Не ја пропуштајте познатата Vallée Blanche писта, што ве води 20км преку магичен глечер. Chamonix има 10 различни ски зони, па може секој ден да менувате предели за акција.
Каде да престојувате: Le Hameau Albert 1er сместување за сите сетила (Michelin ресторан со 2*).
Швајцарија: St. Moritz
Посетителите на сончевиот St.Moritz одседнуваат низ едно од трите селца, трендовските населби Dorf, Celerina со италијанско влијание, како и мирното St.Moritz Bad , сите поврзани со ресортот Corviglia, главната ски дестинација со 350 км патеки на надморска висина од речиси 3200м, со заледени езерца.
Каде да престојувате: луксузна варијанта Kulm Hotel , луксузен швајцарски викенд со 5 ѕвезди, со spa пакети и ценовно по прифатлива варијанта Albana Hotel Silvaplana
Германија: Garmisch-Partenkirchen
На еден час возење јужно од Минхен, највисоката зона во Германија нуди доволно терени околу највисокиот германски врв Zugspitze и споените баварски гратчиња Garmisch -Partenkirchen.
Може да престојувате во: Das Gracek , нов вид на луксуз и раскош со панормаски погледи од многу соби.
