Mikaela Shiffrin го освои слалом финалето за нов наслов и спектакуларна завршница на сезоната

Севкупната шампионка Mikaela Shiffrin го освои својот седми наслов во слалом сезонава на финалето од Светскиот Куп во саботата што се одржуваше во Are,Шведска со доминација во двете трки.

Задржувајќи го водството од првата трка, 23 годишната американка на крај победи за цели 1.58 секунди пред Wendy Holdener од Швајцарија. Олимписката победничка во слалом Frida Hansdotter од Шведска пак за само 0.01 секунди зад неа заврши на трета позиција.

“Беше навистина забавно. Вака сакам да се чуствувам секоја трка и мојот сон е да скијам како во втората трка,” вели Shiffrin. Во првата трка бев солидна , но осетив дека имам и уште во себе и едно друго ниво на кое можам да се покажам и тоа скијање што си го замислив го реализирав навистина на втората трка со голем притисок на секоја капија. Тешко е да се опише чуството на финишот знаејќи дека си скијал баш онака како замислуваш дека треба. Навистина посебно чуство.

Ова за Shiffrin’s е 32-ра победа во дисциплината, а 43та севкупно. Таа ја осигура својата петта титула во слалом.

“Целата сезона беше навистина многу добра за мене т.е. одлична” вели Shiffrin, навраќајќи не на златото во велеслалом и среброто во комбинација на Олимпијадата. “Но секогаш сакам да останам силна на крајот на сезоната и се чуствувам навистина горда поради тоа.”