skimacedonia
Во супер организација на грижливите и одговорни дечки од Преспа Бајк со над 400 велосипедисти, ја извозевме 70 километарската рута низ националниот парк Галичица, од “Ресен до Ресен”….кружна тура која минува низ региони исполнети со јаболкови насади до недоглед, преку Царев Двор, Сирхан, Отешево низ угорниците до поранешната зона на ски центарот Суво Поле, низ прекрасните предели и карстни полиња на Галичица и спустови низ густа шума. Дождот кој не следеше во некои делови од турата, дополнително ја збогати разновиднсота на теренот за возење и создаде атмосфера на вистинска авантура.
