skimacedonia
Во недела на 24 април, ќе го одржиме априлскиот месечен Прв до врв, посветен на Денот на планетата Земја.
Пролетта, убавото време и наближувањето на Прв до врв 2016 се априлската мотивација да се собереме заедно и да се искачиме до врвот на Водно.
Планинарите ќе разменат мислење и ќе одберат најсоодветна патека до врвот, а велосипедистите ќе ги тестираат предлозите за off-road патека која ќе биде дел од натпреварувачката рута на 22 мај.
Стартот е пред ОУ Кочо Рацин во 9 часот.
Настанот нема натпреварувачки карактер. Месечните искачувања на Водно во организација на Прв до врв имаат за цел да ги поттикнат спортот и рекреацијата во природа и да овозможат заедничка подготовка за главниот настан кој ќе се одржи на 22 мај 2016.
